اسلام آباد۔6 مئی (اے پی پی) نائب وزیراعظم تے وزیر خارجہ سینیٹر محمد اسحاق ڈار ن افغانستان دے قائم مقام وزیر خارجہ امیر خان متقی نال ٹیلی فون تے ڳالھ مہاڑ کیتی۔ منگل کوں دفتر خارجہ دے مطابق ݙوہیں رہنماواں 19 اپریل کوں نائب وزیراعظم دے دورہ افغانستان دے بعد توں ݙوہیں پاسے دے تعلقات وچ تھیوݨ والی پیش رفت تے اطمینان کیتا جیندے وچ تجارت، رابطے، اقتصادی تعاون، عوام …
نائب وزیراعظم سینیٹر محمد اسحاق ڈار دی افغانستان دے قائم مقام وزیر خارجہ امیر خان متقی نال ٹیلی فون تے ڳالھ مہاڑ
اسلام آباد۔6 مئی (اے پی پی) نائب وزیراعظم تے وزیر خارجہ سینیٹر محمد اسحاق ڈار ن افغانستان دے قائم مقام وزیر خارجہ امیر خان متقی نال ٹیلی فون تے ڳالھ مہاڑ کیتی۔ منگل کوں دفتر خارجہ دے مطابق ݙوہیں رہنماواں 19 اپریل کوں نائب وزیراعظم دے دورہ افغانستان دے بعد توں ݙوہیں پاسے دے تعلقات وچ تھیوݨ والی پیش رفت تے اطمینان کیتا جیندے وچ تجارت، رابطے، اقتصادی تعاون، عوام توں عوام دے رابطے تے سیاسی مشاورتی میکانزم کوں ول فعال کرݨ تے توجہ ݙتی ڳئی ۔ فریقین خطے تے اوندے توں باہر امن تے سلامتی کوں ودھاوݨ کیتے لمبے عرصے دے تعاون کوں ودھاوݨ کیتے اعلیٰ سطح دے رابطیاں کوں برقرار رکھݨ دی اہمیت تے وی اتفاق کیتا۔ نائب وزیراعظم قائم مقام افغان وزیر خارجہ کوں بھارت ولوں پاکستان دے خلاف حالیہ اشتعال انگیزی تے غیر قانونی تے ہک پاسہ اقدامات بارے وی ݙسیاا۔ انہاں امن کیتے پاکستان دے عزم تے پاکستان دی خودمختاری دے تحفظ دا اعادہ کیتا۔ قائم مقام افغان وزیر خارجہ امیر خان متقی تجارت وچ سوکھی تے سفری سہولتاں کیتے پاکستان دے فعال اقدامات دی تعریف کیتی تے نائب وزیراعظم کوں ول افغانستان دے دورے دی دعوت ݙتی۔ انہاں پاکستان دی حکومت تے عوام کیتے دعائیں تے نیک خواہشات دا اظہار کیتا۔
