اسلام آباد(اے پی پی)وزیراعظم محمد شہباز شریف بلوچستان دے ضلع کچھی دے علاقے مچھ اچ سکیورٹی فورسز دی گاݙی تے بھارتی پراکسی اتے نام نہاد بلوچ لبریشن آرمی دے دہشت گرداں دے حملے دی مذمت کیتی اے۔ وزیراعظم حملے اچ شہید تھیوݨ آلے پاک فوج دے 7 جواناں صوبیدار عمر فاروق، نائیک آصف خان، نائیک مشکور علی، سپاہی طارق نواز، سپاہی واجد احمد فیض، سپاہی محمد عاصم اتے سپاہی محمد …
وزیراعظم محمد شہباز شریف دی کچھی اچ سکیورٹی فورسز دی گاݙی تے حملے دی مذمت
اسلام آباد(اے پی پی)وزیراعظم محمد شہباز شریف بلوچستان دے ضلع کچھی دے علاقے مچھ اچ سکیورٹی فورسز دی گاݙی تے بھارتی پراکسی اتے نام نہاد بلوچ لبریشن آرمی دے دہشت گرداں دے حملے دی مذمت کیتی اے۔ وزیراعظم حملے اچ شہید تھیوݨ آلے پاک فوج دے 7 جواناں صوبیدار عمر فاروق، نائیک آصف خان، نائیک مشکور علی، سپاہی طارق نواز، سپاہی واجد احمد فیض، سپاہی محمد عاصم اتے سپاہی محمد کاشف خان کوں خراج عقیدت پیش کریندے شہداء دے درجات دی بلندی سانگے دعا کیتی۔ انہاں شہداء دے ٹٻراں کوں پرچاوݨی ݙیندے آکھیا جو پوری قوم ملک دی حفاظت سانگے جاناں قربان کرݨ آلے شہداء کوں سلام پیش کریندی اے۔ وزیراعظم آکھیا جو شہداء دیاں قربانیاں رائیگاں نہ ویسن اتے پاک فوج دے بہادر جوان دشمن دے ناپاک عزائم کوں شکست ݙیوݨ سانگے ہر ویلھے تیار ہین۔ انہاں آکھیا جو اینجھیاں بزدلانہ کارروائیاں دہشت گردی دے خلاف جنگ اچ ساݙے عزم کوں ݙھلا نئیں کر سگدیاں اتے ملک توں ہر قسم دی دہشت گردی دے مکمل خاتمے تئیں اے جنگ جاری راہسی۔
