واشنگٹن – 7 مئی (اے پی پی) امریکی صدر ڈونلڈ ٹرمپ پاکستانی شہراں اتے آزاد کشمیر دے حصے تے بھارت دے میزائل حملیں کوں شرمناک قرار ݙیندے ہوئیں امید ظاہر کیتی اے جو بھارتی کارروائی وختی مک ویسی ۔ صدر ٹرمپ منڳل دی شام حملیں تے ردعمل ݙیندے وائٹ ہاؤس اچ صحافیاں کوں ݙسائے جو اے ہک شرم دی ڳالھ اے اساں ہݨیں ایں بارے سݨیے جݙاں اساں اوول دفتر دے دروازیں توں لنگھدے پئے ہاسے۔ انہاں ݙو جوہری حریفاں بارے آکھیے: ”او ہک لمبی مدت توں لڑدے پئن۔ میکوں امید اے جو اے ٻہوں وختی مک ویسی ۔“ ایں دوران نیویارک اچ اقوام متحدہ دے ہیڈکوارٹراں اچ اقوام متحدہ دے ترجمان آکھیے سیکرٹری جنرل انتونیو گوتیرس ”لائن آف کنٹرول اتے بین الاقوامی سرحد دے پار ہندوستانی فوجی کارروائیاں تے ٻہوں فکرمند ہن۔“ ترجمان سٹیفن ڈوجارک ہک مختصر بیان اچ آکھیے اوݙوہیں ملکاں توں ودھ توں ودھ فوجی ضبط و تحمل دا مطالبہ کریندن
