پاک فوج ملک دے مختلف حصیاں اچ ہݨ تئیں 7 بھارتی ڈرونز مار ݙتے

راولپنڈی ۔ 7 مئی (اے پی پی) بھارت دے بزدلانہ حملے دے بعد پاک فوج ملک دے مختلف حصیاں توں ہک وݙے ہیرون مسلح ڈرون سودھے ہݨ تئیں 7 بھارتی ڈرونز مار ݙتن ۔ پاکستان جدید دفاعی اتے تکنیکی ای ڈبلیو صلاحیتاں دی وجہ توں تلے لہا تے ݙو ٻئے بھارتی ڈرونز کوں قبضے اچ وی ڳھن ڳھدا۔ سکیورٹی ذرائع موجب بھارتی ڈرونز پاکستانی حدود اچ دراندازی کرݨ دی کوشش تے پاک فوج ٻئے 4 بھارتی ڈرون مار ݙتے۔ پاک فوج پکھلیاں، سیالکوٹ سیکٹر اچ بھارتی فوج دے چار اتے ڈرونز مار ݙتے ہن جڈاں جو پاکستان جدید دفاعی اتے تکنیکی ای ڈبلیو صلاحیتاں دی وجہ توں تلے لہا تے ݙو ٻئے بھارتی ڈرونز کوں قبضے اچ وی ڳھن ڳھدا۔ بھارتی فوج ولوں ڈرونز دے ذریعے دراندازی دی ناکام کوشش کیتی ویندی پئی ہئی۔ ایں توں پہلے برنالہ، شکر گڑھ اتے کوٹلی سیکٹر اچ وی بھارت دے ترائے ڈرونز ݙھائے ڳئن۔  ہݨ تئیں کُل سَت بھارتی ڈرونز ۔ پاک فوج دشمن دی ہر جارحیت دا بھرپور جواب ݙیندی پئی اے۔