اسلام آباد۔ 7 مئی (اے پی پی) نائب وزیر اعظم اتے وزیر خارجہ اسحاق ڈار نال اٹلی دے وزیر داخلہ میٹیو پیانٹیدوسی بدھ کوں اتھاں ملاقات کیتی۔ دفتر خارجہ موجب نائب وزیر اعظم پاکستان اتے اٹلی دے تعلقات اچ بہتری تے اطمینان دا اظہار کیتے۔ انہاں آکھیا جو ݙوہاں ملکاں وچال ڳالھ مہاڑ دا قائم کیتا ڳیا ڈھانچہ باقاعدہ ڳالھ مہاڑ سانڳے بہترین بنیاد فراہم کریندے۔ انہاں آکھیا جو تجارت …
نائب وزیر اعظم محمد اسحاق ڈار نال اٹلی دے وزیر داخلہ میٹیو پیانٹیدوسی دی ملاقات
اسلام آباد۔ 7 مئی (اے پی پی) نائب وزیر اعظم اتے وزیر خارجہ اسحاق ڈار نال اٹلی دے وزیر داخلہ میٹیو پیانٹیدوسی بدھ کوں اتھاں ملاقات کیتی۔ دفتر خارجہ موجب نائب وزیر اعظم پاکستان اتے اٹلی دے تعلقات اچ بہتری تے اطمینان دا اظہار کیتے۔ انہاں آکھیا جو ݙوہاں ملکاں وچال ڳالھ مہاڑ دا قائم کیتا ڳیا ڈھانچہ باقاعدہ ڳالھ مہاڑ سانڳے بہترین بنیاد فراہم کریندے۔ انہاں آکھیا جو تجارت اتے سرمایہ کاری، سکیورٹی اتے تعلیم دے شعبیاں اچ ݙوپاسہ تعلقات کوں ودھاوݨ دے ٻہوں امکانات ہن۔ نائب وزیر اعظم مزدوراں دی موبلٹی دے شعبے اچ پاکستان اٹلی دے ودھدے ہووے تعاون کوں سراہیا اتے پاکستان اتے اٹلی وچال مائیگریشن اتے لیبر موبلٹی تے مفاہمت نامے دے اختتام کوں ہک اہم سنگ میل قرار ݙیتے. اٹلی دے وزیر داخلہ پیانٹیدوسی پاکستان اٹلی تعلقات دا مثبت جائزہ گھیدا اتے سانجھے دلچسپی دے سارے شعبیاں اچ تعاون ودھاوݨ سانڳے اٹلی دی خواہش دا اظہار کیتے۔ نائب وزیر اعظم اطالوی وزیر کوں بھارت دے حالیہ ودھدے ہووے اقدامات بارے ݙسیا اتے آکھیا جو پاکستان بھارت دے بزدلانہ اقدام دی شدید مذمت کریندے جیڑھا اقوام متحدہ دے چارٹر، بین الاقوامی قانون اتے بین ریاستی تعلقات دے قائم کیتے ڳئے اصولاں دی کھلی خلاف ورزی اے۔ نائب وزیر اعظم آکھیا جو پاکستان تحمل دا مظاہرہ کیتے جڈانجو بھارت بین الاقوامی قوانین دی کھلم کھلا خلاف ورزی کریندے ہوئیں علاقائی امن کوں خطرات نال ݙوچار کر رکھیے. اٹلی دے وزیر داخلہ پیانٹیدوسی پہلے توں کشیدہ صورتحال اچ ودھارے تے تشویش دا اظہار کیتے اتے پاکستان اچ معصوم جاناں دے ضیاع تے تعزیت دا اظہار کیتے۔ انہاں ݙوہیں پاسوں تحمل نال کم گھنݨ تے زور ݙیتے. ݙوہیں پاسوں رابطے تیز کرݨ تے اتفاق وی کیتے۔
