نائب وزیراعظم سینیٹر محمد اسحاق ڈار دی اسلام آباد اچ سفیراں کوں بھارتی جارحیت تے بریفنگ

اسلام آباد۔ 7 مئی (اے پی پی)نائب وزیراعظم اتے وزیر خارجہ سینیٹر محمد اسحاق ڈار اسلام آباد اچ سفیراں کوں 7 اتے 8 مئی دی وچلی رات پاکستان اَتے آزاد جموں و کشمیر اچ بھارتی حملیاں تے بریفنگ ݙتی۔ دفتر خارجہ دے مطابق نائب وزیراعظم بھارتی جارحیت دی مذمت کیتی جو ٻھارت نا صرف پاکستان دی خودمختاری دی خلاف ورزی کیتی اے ٻھل علاقائی امن و استحکام کوں وی خطرے اچ پاتے۔ انہاں آکھیا جو بھارت اے اقدامات اقوام متحدہ دے چارٹر، بین الاقوامی قانون اَتے بین ریاستی تعلقات کوں کنٹرول کرݨ آلے اصولاں دی کھلی خلاف ورزی کریندے کیتن۔ انہاں دہشت گرداں دے بنیادی ڈھانچے کوں نشانہ بݨاوݨ دے بے بݨیاد بھارتی دعویاں کوں مسترد کریندے آکھیا جو پہلگام حملے نال پاکستان کوں جوڑݨ دا کوئی قابل اعتبار ثبوت کائنی۔ نائب وزیراعظم اَتے وزیر خارجہ آکھیا جو بھارتی قیادت ہک واری ول دہشت گردی دا استعمال کریندے ہوئیں مظلومیت دی فرضی داستان دا سہارا ڳھدے۔ انہاں ایں ڳالھ تے افسوس کیتے جو بھارت کشیدگی اچ کمی اَتے تحمل نال کم گھنݨ کیتے بین الاقوامی برادری دے ول ول مطالبے تے توجہ نئیں ݙتی۔ انہاں عالمی برادری تے زور ݙتے جو او بھارت کوں ایندے غیر ذمہ دارانہ اَتے لاپرواہ طرز عمل کیتے جوابدہ ٻݨاوے۔