اسلام آباد۔8مئی(اے پی پی) چیف جسٹس آف پاکستان جسٹس یحییٰ آفریدی سپریم کورٹ دے سارے معزز جج صاحبان دے رلے بھارتی فوج دے وحشیانہ اتے بلا اشتعال حملے اچ بے گناہ پاکستانی شہریاں دی شہادت تے ݙکھ تے افسوس سانڳے ھک تعزیتی اجلاس منعقد کیتے۔ سپریم کورٹ دے شعبہ تعلقات عامہ دے جاری اعلامیہ موجب ججز شہداء دے ایصال ثواب سانڳے فاتحہ خوانی کیتی۔ انہاں ایں غیر انسانی جارحیت تے ݙکھی خانداناں نال دلی تعزیت اتے ہمدردی دا اظہار کیے۔انہاں دعا کیتی جو اللہ تعالیٰ شہداء تے آپݨی لامحدود رحمتاں نازل فرماوے، انھاں دے درجات بلند کرے تے انہاں دے لواحقین کوں ایں المناک اتے ناقابل تلافی ضیان کوں برداشت کرݨ دی ہمت تے صبر عطا فرماوے۔انہاں آکھیے سپریم کورٹ آف پاکستان متاثرہ خانداناں نال یکجہتی دا اظہار کریندی اے تے انصاف، انسانی وقار اتے نشوم جاناں دے تحفظ و تقدس سانڳے آپݨے غیر متزلزل عزم دا اعادہ کریندی اے۔
