راولپنڈی۔8مئی(اے پی پی) افواج پاکستان دی سافٹ کِل (تکنیکی) اتے ہارڈ کِل (ہتھیاراں)توں ہݨ تئیں 25 اسرائیلی ساخت دے ہیروپ ڈرونز کوں مار ڈھایا ڳئے ۔ آئی ایس پی آر موجب بھارت دے 6/7 مئی دے بزدلانہ حملے اچ 5 جدید طیاریں، ڈرونز، ٻہوں ساریاں پوسٹاں دے تباہ تے فوجی ہلاکتاں تھیوݨ دے بعد، بھارت بوکھلاہٹ اچ اے اسرائیلی ساختہ ہیروپ ڈرونز توں پاکستان تے حملہ کریندا پئے ۔ اے بزدلانہ حملہ بھارت دی پریشانی تے بھوکلاہٹ دی نشانی اے۔ کنٹرول لائن تے وی بھارت بھرپور ضیان چاتے تے چیندا پئے ۔پاکستان دے مختلف علاقیں توں اسرائیلی ساختہ ہیروپ ڈرونز دا ملبہ چاتا ویندا پئے ۔ آئی ایس پی آر آکھیے افواج پاکستان دشمن کوں منہ بھن جواب ݙیندی پئی تے ایں دے سارے عزائم کوں مٹی اچ رلیندی پئی اے۔
