راولپنڈی۔8مئی (اے پی پی) پاکستان کرکٹ بورڈ (پی سی بی) پشاور زلمی اتے کراچی کنگز وچال اڄ راولپنڈی کرکٹ اسٹیڈیم اچ کھیݙے ونجݨ آلا پی ایس ایل دے میچ کوں ری شیڈول کرݨ دا فیصلہ کیتے۔ پی سی بی موجب اے فیصلہ سارے سٹیک ہولڈرز نال تفصیلی مشورے دے بعد کیتا ڳئے جڈانجو سارے فریقین دی سلامتی اتے سہولت کوں یقینی ٻݨایا ونڄ سڳے۔ بورڈ ولوں جاری اعلامیہ موجب آکھیا ڳئیا جو نظر ثانی تاریخ دا اعلان مناسب ویلھے تے کیتا ویسی۔ ٹکٹ ہولڈرز کیتے رقم دی واپسی دا طریقہ کار وی ݙسا ݙتے ڳئے۔ وی آئی پی گیلری اتے انکلوژرز کیتے ڳھدے ڳئے ٹکٹس نجی کوریئر سروسز دے مقررہ مراکز تے واپس کیتے ونڄ سڳدن جدانجو جیڑھے شائقین آن لائن ٹکٹ ڳھدی اے انہاں دی رقم خودکار طریقہ تے متعلقہ اکاؤنٹس اچ ٻھیج ݙتی ویسی۔
