اسلام آباد۔8 مئی (اے پی پی) آذربائیجان دی حکومت وی پاکستان دی مکمل حمایت دا فیصلہ کیتا اتے خطے دی بدلدی ہوئی صورتحال تے پاکستان تے بھارت دی ڈینہہ بدینہہ ودھدی ہوئی کشیدگی پاروں پاکستان دا بھرپور ساتھ ڈیوݨ دا اعلان کر ݙتے۔ آذربائیجان دی حکومت ولوں پاکستان اچ سفیر خضر فرہادوف وزیر اعظم محمد شہباز شریف دے ناں خط اچ پاکستان تے بھارت وچال تنازعہ تے سخت تشویش کیتی ۔ خمیس کوں آذربائیجان دے سفارتخانے توں جاری اعلامیہ موجب آذربائیجان دی حکومت پاکستان نال مکمل اظہار یکجہتی کریندیں اے تے پاکستانی عوام دی بھرپور حمایت دا اعادہ کریندی اے۔ آذربائیجان دے سفیر خضر فرہادوف پاکستانی عوام کیتے نیک خواہشات دا اظہار کریندیں ہوئیں پاکستان تے بھارت دے مسئلے کوں سفارتی ذرائع نال حل کرݨ دی تجویز ݙتی۔ خضر فرہادوف بھارتی کارروائیاں وچ متاثرین دے ٹٻراں نال اظہار تعزیت کیتا اتے زخمیاں دی جلد صحت یابی دی دعا کیتی۔ انہاں توقع کیتی جو ڈونہاں ملکاں وچال حالات جلدی معمول تے آ ویسن تے خصوصی طور پاکستان وچ تھیوݨ آلے نقصان دا ازالہ تھیسی۔
