اسلام آباد۔ 8 مئی (اے پی پی)وفاقی وزیر اطلاعات و نشریات عطا اللہ تارڑ بھارت دے ایف 16 اتے جے ایف 17 لڑاکا طیارے مار ݙھواوݨ دے دعویاں کوں سختی نال مسترد کریندے “کوڑا” بے بنیاد اتے من گھڑت قرار ݙتے۔ سماجی رابطے دے پلیٹ فارم ’’ایکس‘‘ تے آپنڑیں ہک پوسٹ اچ وفاقی وزیر اطلاعات آکھیے جو کہ بھارت ولوں ایف 16 اتے جے ایف 17 لڑاکا طیارے مار ݙھواوݨ بارے بے بنیاد اتے کوڑے دعوے کیتے ویندے پئن، کوڑیاں اتے من گھڑت کہانیاں تہاکوں کتھائیں نہ ملسن، اینجھے کوڑے دعوے صرف بھارت دی مایوسی دی عکاسی کریندن، بھارت دے انہاں دعویاں کوں رد کریندے ہیں۔
