اسلام آباد۔ 9 مئی (اے پی پی) وفاقی وزیر مذہبی امور و بین المذاہب ہم آہنگی سردار محمد یوسف آکھیے جو پوپ لیو چہار دہم دا انتخاب پوری دنیا اچ کروڑاں مسیحیاں سانڳے وݙی روحانی اہمیت دا موقع اے۔ اپݨے مبارخ دے سنھیے اچ انہاں آکھیے جو اے انتخاب ایجھے ویلھے تھئے جݙاں دنیا کوں ٻہوں سارے سنگین مسئلیں دا سامݨا اے۔ دنیا کوں امن، سماجی انصاف، انسانی وقار اتے …
وفاقی وزیر مذہبی امور و بین المذاہب ہم آہنگی دی پوری دنیا دی مسیحی برادری کوں پوپ لیو چہار دہم دے انتخاب مبارخ
اسلام آباد۔ 9 مئی (اے پی پی) وفاقی وزیر مذہبی امور و بین المذاہب ہم آہنگی سردار محمد یوسف آکھیے جو پوپ لیو چہار دہم دا انتخاب پوری دنیا اچ کروڑاں مسیحیاں سانڳے وݙی روحانی اہمیت دا موقع اے۔ اپݨے مبارخ دے سنھیے اچ انہاں آکھیے جو اے انتخاب ایجھے ویلھے تھئے جݙاں دنیا کوں ٻہوں سارے سنگین مسئلیں دا سامݨا اے۔ دنیا کوں امن، سماجی انصاف، انسانی وقار اتے رحم دلی دے حق اچ تکڑی آوازاں دی لوڑھ اے۔ پاکستان مسیحی برادری دے نال اپݨے تعلقات کوں قدر دی نگاہ نال ݙیکھدے اتے انہاں کوں ودھاوݨ کیتے پکا ارادہ رکھیندے۔ انہاں آکھیے جو پاکستان بین المذاہب ہم آہنگی، ہک ٻئے دے احترام اتے امن اتے انسانی وقار دے پر امن ودھارے دے سانجھے مقصد کیتے پرعزم اے۔ نویں پوپ دی چوݨ پوری دنیا دے کروڑاں لوکاں کیتے امید اتے توقعات دا نواں باب اے۔ امید اے پوپ لیو چہار دہم بین المذاہب ہم آہنگی اتے دنیا اچ امن دے ودھارے کیتے اپݨا کردار نبھیسن۔
