اسلام آباد۔ 9 مئی (اے پی پی) چیئرمین سینیٹ سید یوسف رضا گیلانی کارڈینل رابرٹ پریووسٹ کوں کیتھولک مسیحیاں دا نواں پوپ چݨݨ تے مبارخ ݙتی اے۔ اپݨے سنھیے اچ چیئرمین سینیٹ آکھیے جو رابرٹ پریووسٹ دا نواں کیتھولک رہنما بݨݨ نہ صرف عالمی مسیحی برادری کیتے اہم موقع اے بلکہ بین المذاہب ہم آہنگی اتے امن دے ودھارے اچ وی ہک سنگ میل ثابت تھی سڳدے۔ انہاں امید ظاہر …
چیئرمین سینیٹ دی کیتھولک مسیحیاں دے نویں پوپ کوں مبارخ
اسلام آباد۔ 9 مئی (اے پی پی) چیئرمین سینیٹ سید یوسف رضا گیلانی کارڈینل رابرٹ پریووسٹ کوں کیتھولک مسیحیاں دا نواں پوپ چݨݨ تے مبارخ ݙتی اے۔ اپݨے سنھیے اچ چیئرمین سینیٹ آکھیے جو رابرٹ پریووسٹ دا نواں کیتھولک رہنما بݨݨ نہ صرف عالمی مسیحی برادری کیتے اہم موقع اے بلکہ بین المذاہب ہم آہنگی اتے امن دے ودھارے اچ وی ہک سنگ میل ثابت تھی سڳدے۔ انہاں امید ظاہر کیتی جو رابرٹ پریووسٹ پوری دنیا اچ رواداری، محبت اتے بھرپی دے ودھارے سانڳے اپݨا کردار ادا کریندے رہسن۔ پاکستان مذہبی ہم آہنگی اتے اقلیتاں دے حقوق دے تحفظ کیتے پر عزم اے۔ چیئرمین سینیٹ عالمی مسیحی برادری کوں وی مبارخ ݙتی اتے انہاں دے روشن مستقبل کیتے نیک خواہشات دا اظہار کیتے۔
