اسلام آباد۔9 مئی (اے پی پی) وفاقی وزیر داخلہ محسن نقوی نال امریکا دی قائم مقام سفیر نیٹلی بیکر دی 48 گھنٹے وچ ݙوجھی اہم ملاقات تھئی جیندے وچ پاک بھارت کشیدگی تے سرحداں دی صورتحال تے ڳالھ مہاڑ کیتی ڳئی۔ وزیر داخلہ محسن نقوی قائم مقام امریکی سفیر نیٹلی بیکر کوں موجودہ کشیدگی تے پیدا تھیوݨ آلی صورتحال دا ݙسائے ۔ وزیر داخلہ محسن نقوی بھارت دی ڈرون دہشت گردی بارے وی قائم مقام امریکی سفیر کوں بریف کیتا۔ انہاں ݙسایا جو بھارت سارے بین الاقوامی قوانین کوں پامال کر تے شہری آبادیاں کوں ڈرونز دے ذریعے نشانہ بݨاوݨ دی مذموم کوشش کیتی۔ پاکستان موثر کارروائی کرتے درجناں ڈرونز کوں ڈھا ݙتا۔ خطے دی خطرناک صورتحال دا سارا ذمہ دار بھارت اے۔ پورا خطہ جنگ دے دہانے تے اے۔ سلامتی تے اصلوں آنچ نہ آوݨ ݙیسوں۔ امریکی سفارت خانے دے پولیٹیکل قونصلر زیک ہارکن رائیڈر وی ایں موقع تے موجود ہن۔
