نئی دہلی۔ 9 مئی (اے پی پی) بھارت ولوں وَدھدی ہوئی سرحدی کشیدگی پاروں انڈین پریمیئر لیگ (آئی پی ایل) کُوں غیر مُعینہ مُدت کِیتے مُعَطَّل کر ݙِتّا ڳئے، بھارتی میڈیا جمعے کُوں رپورٹ کِیتا۔ جموں دے قصبے تُوں 200 کلومیٹر (125 میل) تُوں وی گھٹ فاصلے تے دھرم شالہ وِچ خمیس کُوں تھیوݨ والے میچ کُوں روک تے کرکٹ حکام ٹی ٹوئنٹی ٹورنامنٹ کُوں روکݨ دا فیصلہ کِیتا، جِتھاں کئی گھنٹے پہلے دھماکے دی اطلاع مِلّی ہئی۔ 10 ٹیماں تے مُشتمل آئی پی ایل، جِین٘دے وِچ دُنیا بھر تُوں کرکٹ دے غیر مُلکی کھِݙاری شامل ہِن اَتے اے کھیݙ دا سب تُوں امیر مقابلہ اِے، 22 مارچ کُوں شروع تھیا ہئی۔ لکھنؤ سپر جائنٹس کُوں جمعے کُوں رائل چیلنجرز بنگلور دی میزبانی کرݨی ہئی۔ فائنل 25 مئی کُوں کولکتہ دے ایڈن گارڈنز وِچ شیڈول اِے اَتے عام طور تے عالمی ٹیلی ویژن دے ناظرین کُوں اپݨی طرف کریندے۔ غیر مُلکی سٹارز وِچ آسٹریلیا دے پیٹ کمنز، مچل سٹارک، جوش ہیزل ووڈ، ٹریوس ہیڈ اَتے مچ مارش شامل ہِن جݙݨ جو سابق کپتان رکی پونٹنگ پنجاب دے کوچ ہِن۔
