جموں۔ 9 مئی (اے پی پی) بھارت دے غیر قانونی زیرِ تسلط جموں تے کشمیر وِچ بھارتی فوجیاں اپݨی ریاستی دہشت گردی دی اڄوکی کارروائی اچ ضلع سانبہ وِچ 7 کشمیریاں کُوں شہید کر ݙِتّے ۔ کشمیر میڈیا سروس موجب اِنھاں نین٘گریں کُوں بھارتی بارڈر سکیورٹی فورس ضلعے دے علاقے آر ایس ایس دے نیڑے ہِک آپریشن اچ شہید کِیتے۔ چھیکڑی اِطلاعات مِلّݨ تئیں علاقے وِچ فوجی کارروائی جاری ہئی۔ اِتّھوں ضلع اسلام آباد دے علاقے سرنال وِچ جمعے کُوں ہِک لاپتہ نین٘گر عادل گلزار دی لاش ہِک مَسیت وِچ ٹنڳٰی ہوئی مِلّی اِے۔ عادل 6 مئی تُوں لاپتہ ہئی۔
