اسلام آباد۔ 9 مئی (اے پی پی) نائب وزیرِ اعظم اَتے وزیرِ خارجہ سینیٹر محمد اسحاق ڈار کُوں برطانیہ دے وزیرِ خارجہ ڈیوڈ لیمی ٹیلی فون کِیتا اَتے شہریاں دیاں جاناں دے المناک نُقصان تے تعزیت کیتی۔ جمعے کُوں دفترِ خارجہ موجب نائب وزیرِ اعظم اُنھاں کُوں پاکستان دے مُختلف شہراں تے بھارت دے غیر قانونی اَتے بلا اشتعال حملیاں دی وجہ تُوں علاقائی صورتحال دا ݙسیا جِین٘دے نتیجے وِچ تِریمتیں، ٻالاں اَتے وَݙّے لوکاں سودھے بے گناہ شہریاں دی شہادت تھئی۔ اُنھاں آکھیا جو پاکستان بین الاقوامی قوانین اَتے اقوامِ متحدہ دے چارٹر دی اِنھاں خلاف ورزیاں جِین٘دے نال علاقائی امن تے سلامتی کُوں خطرہ اِے، تے تحمل دا مُظاہرہ کِیتے ۔ نائب وزیرِ اعظم اَتے وزیرِ خارجہ آکھیا جو حکومتِ پاکستان مُلک دی خود مُختاری اَتے علاقائی سالمیت دے دِفاع کِیتے پُرعزم اِے۔ برطانیہ دے وزیرِ خارجہ ڈیوڈ لیمی اِیں صورتحال تے گہری تشویش دا اِظہار کِیتا اَتے شہریاں دیاں جاناں دے المناک نُقصان تے تعزیت کیتی۔ اُنھاں ݙون٘ہاں فریقاں کُوں تحمل تُوں کَمّ گِھنَّݨ اَتے کشیدگی کُوں گھٹ کرݨ دی لوڑھ تے زور ݙِتّا۔
