اسلام آباد۔ 9 مئی (اے پی پی) وزیراعظم محمد شہباز شریف مالی سال 2025 دے پہلے 10 مہینیاں وچ ترسیلات زر وچ پچھلے سال دے مقابلے وچ 31 فیصد ودھارے تے اطمینان دا اظہار کریندیں ہوئیں آکھیا جو جولائی 2024ء توں اپریل 2025ء ترسیلات زر 31.2 ارب ڈالر دی بلند ترین سطح تے پُڄ گئے۔ جمعے کوں وزیراعظم آفس دے میڈیا ونگ توں جاری بیان موجب وزیراعظم آکھیا جو ترسیلات زر اچ ریکارڈ ودھارا ٻاہرلے مُلک رہݨ آلے پاکستانیاں دی حب الوطنی، مُلکی معاشی پالیسیاں تے اعتماد نشابر کریندے۔ٻاہرلے مُلک رہݨ آلے پاکستانی مُلکی معیشت دی ترقی وچ مرکزی کردار ادا کریندے پئِن۔ انہاں آکھیا جو حکومت پاکستان مُلکی معیشت دی ترقی کیتے پُر عزم اے۔
