اسلام آباد۔9 مئی(اے پی پی) نائب وزیراعظم اتے وزیر خارجہ سینیٹر محمد اسحاق ڈار سعودی عرب دے وزیر مملکت برائے امور خارجہ عادل الجبیر دا وزارت خارجہ آوݨ تے استقبال کیتے۔ دفتر خارجہ دے مطابق ݙوہاں رہنماواں پاکستان اتے سعودی عرب وچال ہر اوکھے ویلے اچ پورا لاہوݨ آلیاں اتے برادرانہ تعلقات کوں ٻیا مضبوط بݨاوݨ دا عزم دوہریندے ݙوطرفہ تعلقات دے پورے دائرہ کار تے ڳالھ مہاڑ کیتی۔ اُنھاں بدلدی علاقائی صورتحال تے وی الایا۔ نائب وزیر اعظم اتے وزیر خارجہ خطے اچ امن و استحکام دے ودھارے کیتے سعودی عرب دی تعمیری سفارتی کوششاں دی تعریف کیتی۔
