اسلام آباد۔9 مئی(اے پی پی) وزیراعظم محمد شہباز شریف عالمی مالیاتی فنڈ (آئی ایم ایف) ولوں پاکستان کیتے ہک ارب ڈالر دی قسط دی منظوری اتے بھارت دے اوندے خلاف اوچھے ہتھکنڈے ناکام تھیوݨ تے اطمینان کریندے آکھیے جو بھارت یکطرفہ جارحیت نال ساݙی ملکی ترقی توں توجہ ہٹاوݨ دی مذموم سازش کریندا پئے، حکومت ٹیکس اصلاحات، توانائی دے شعبے دی بہتر کارکردگی اتے نجی شعبے دی ترقی جئیں اہم شعبیاں دے حوالے نال ترجیحی بنیاداں تے کم کریندی پئی اے، پاکستان دے معاشی استحکام دے لائحہ عمل، موثر کارکردگی اتے ایں حوالے نال پائیدار منصوبہ بندی کیتے پر عزم ہیں۔ وزیراعظم ایں سانڳے نائب وزیراعظم و وزیر خارجہ محمد اسحاق ڈار، وفاقی وزیر خزانہ و محصولات محمد اورنگزیب، سیکریٹری خزانہ امداد اللہ بوسال سودھا حکومت دی معاشی ٹیم دی کارکردگی دی تعریف کیتی۔ اُنھاں آکھیا جو اللہ دے فضل نال ملکی معاشی صورتحال بہتر اے اتے مُلک ترقی دو ویندا پئے، بھارت یکطرفہ جارحیت نال ساݙی ملکی ترقی توں توجہ ہٹاوݨ دی مذموم سازش کریندا پئے، بین الاقوامی اداریاں بھارت دے کُوڑے پروپیگنڈے کوں ذمہ دارانہ انداز نال مسترد کیتے، آئی ایم ایف دے پروگرام کوں سبوتاژ کرݨ دیاں بھارتی کوششاں ناکام تھی ڳئن۔ وزیراعظم آکھیا جو پروگرام نال پاکستان دی معیشت کوں مستحکم اتے اوکوں طویل مدتی بحالی دے راہ تے ٹورݨ اچ مدد ملسی، حکومت ٹیکس اصلاحات، توانائی دے شعبے دی بہتر کارکردگی اتے نجی شعبے دی ترقی جئیں اہم شعبیاں دے حوالے نال ترجیحی بنیاداں تے کم کریندی پئی ہے، گزریل چوݙاں مہینیاں اچ بہتر معاشی اشاریے حکومت دیاں مثبت پالیسیاں دا ثبوت ہیِن، پاکستان دے معاشی استحکام دے لائحہ عمل، موثر کارکردگی اتے ایں حوالے نال پائیدار منصوبہ بندی کیتے پر عزم ہیں۔
