راولپنڈی۔ 10 مئی (اے پی پی) پاک فوج ولوں بھارتی جارحیت دے خلاف آپریشن “بُنْيَانٌ مَّرْصُوْصٌ” شروع کر ݙتا ڳئے، آپریشن دے شروع اچ براہموس سٹوریج سائیٹ، ایئر بیس ادھم پور تے پٹھان کوٹ ایئر فیلڈ تباہ کر ݙتے ڳئِن۔ سکیورٹی ذرائع دے مطابق پاک فوج آپریشن “بُنْيَانٌ مَّرْصُوْصٌ” دا باقاعدہ آغاز ہفتے دی سویل سویرے کر ݙتے۔ پاک فوج آپریشن دے شروع اچ ہی بھارت دی دفاعی تنصیبات تے میزائل سٹین جیں توں ہݨ تئیں براہموس دا سٹوریج تباہ تھی ڳئے۔ پاک فوج دے آپریشن اچ ایئر بیس ادھم پور کوں تباہ کر ݙتا ڳئے۔ پاک فوج میزائل سٹے جیں توں پٹھان کوٹ اچ ایئر فیلڈ وی تباہ تھی ڳئی اے۔ بھارت اچ ٻئی جاہیں تے حملے جاری ہِن۔ پاکستان دے آپریشن دا ناں آپریشن “بنیان مرصوص” اے، جیں دا مطلب ہے سیسہ پلائی دیوار قرآن پاک دی سورۃ الصف (آیت 4) توں گھدا ڳئے، جتھاں اللہ تعالیٰ فرمیندے جو : إِنَّ اللَّهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُمْ بُنْيَانٌ مَرْصُوصٌ “بیشک اللہ انہاں لوکاں نال محبت کریندا اے جیہڑے اوندے رستے اچ ایں طرحاں صف بستہ تھی تے لڑدے ہِن جیویں جو او سیسہ پلائی ہوئی دیوار ہوون۔”
