راولپنڈی۔ 10 مئی (اے پی پی) بھارت دی جارحیت دے جواب اچ، پاکستانی فوج آپریشن بُنْيَانٌ المَّرْصُوْص (سیسہ پلائی دیوار) اچ دشمن کوں سخت ترین نقصان کیتے۔پاکستانی فوج ایمان، حب الوطنی تے شہادت دے شوق دے جذبے نال سرشار تھی تے دشمن دیاں کئی فوجی تنصیبات تے اہم اڈیاں کوں نشانہ ٻݨائے۔ سیکورٹی ذرائع دے مطابق، پاک فوج ساریاں توں پہلے بھارتی آرٹلری گن پوزیشن دہرنگیاری، براہموس میزائل دا ذخیرہ نگروٹا تے دہشت گردی کیتے استعمال تھیوݨ آلا بھارتی ملٹری انٹیلیجنس دا مرکز راجوڑی اچ تباہ کیتا۔ ایندے بعد سرسہ، سورت گڑھ، بٹھنڈہ، اکھنور، برنالہ، ہلوارا، مامون، جموں تے آدم پور سودھے کئی اہم ایئر فیلڈز کوں مکمل طور تے تباہ کر ڈتا ڳئے۔ بھارتی میڈیا خود سرسہ ایئرفیلڈ دی تباہی دی تصدیق کیتی اے۔پاک فوج لائن آف کنٹرول تے دشمن دیاں کئی چوکیاں جیویں دھرم سل 1، ڈنہ 1، ٹیبل ٹاپ، ربتانوالی پوسٹ، جزیرہ پوسٹ کمپلیکس، کافر مہری، شاہپر 3، غدر ٹاپ، پتھیلی ٹاپ، رنگ کنٹوئر تے پھکلیاں سیکٹر دیاں پوسٹاں کوں نشانہ ٻݨا تے تباہ کیتا۔ مسلح فوج خواجہ بھیک کمپلیکس، نوشہرہ تے منکوٹ اچ ملٹری انٹیلیجنس دے تربیتی مراکز کوں وی نشانہ ٻݨایا۔ پاکستانی توپ خانے دشمن دیاں توپاں کوں چپ کرا ڈتا ساری کارروائیاں دے ویڈیو مناظر وی سامھے آڳئن۔ ہر پاسے توں نعرہ تکبیر، اللہ اکبر دیاں صدائیں امدی رہین، جڈاں جو پاکستانی فوج شجاعت، دلیری تے جذبہ شہادت نال سرشار تھی تے دشمن دے ݙند کھٹے کریندی پئی اے۔پاکستانی فوج دا اے آپریشن نہ صرف وطن دے دفاع دا عملی مظاہرہ اے بلکہ دشمن کوں ایہ سنیھا وی ڈیندے جو وطن عزیز آلے پاسے کہیں وی میلی اکھ نال ڈیکھݨ آلے کوں دندان شکن جواب ݙتا ویسی۔
