راولپنڈی۔ 10 مئی (اے پی پی) بھارتی اشتعال انگیزی دے خلاف پاکستانی فوج ولوں شروع کیتے گئے جوابی آپریشن بُنْيَانٌ المَّرْصُوْص (سیسہ پلائی دیوار) اچ دشمن دا شدید نقصان کیتا ڳئے۔ پاکستانی فتح-1 میزائل سسٹم دشمن دے کئی فوجی ٹھکانیاں کوں کامیابی نال نشانہ ٻݨایا، جیندیاں ویڈیوز ہݨ منظر عام تے آ ڳئن۔ انہاں مناظر اچ ہر پاسے دھواں، ٻھاہ تے تباہ شدہ بھارتی تنصیبات واضح طور تے ڈیکھیاں ونج سگدین۔سیکورٹی ذرائع دے مطابق، پاکستانی فوج لائن آف کنٹرول دے مختلف مقامات تے دشمن دیاں اہم پوسٹاں کوں نشانہ ٻݨایا۔ ربتانوالی، ڈنہ پوسٹ، خواجہ بھیک کمپلیکس، رنگ کنٹوئر (بالمقابل سنکھ)، پھکلیاں سیکٹر تے پتھیلی ٹاپ سویں حساس فوجی مقامات تے دشمن دے اڈے مکمل طور تے تباہ کر ڈتے گئے۔ پتھیلی ٹاپ گن پوزیشن تے پوری رات جاری رہݨ آلی شدید بمباری دے مناظر وی ویڈیو اچ واضح طور تے ݙٹھا ونڄ سڳدے۔پاکستانی توپ خانے دشمن دیاں توپاں کوں مکمل طور تے چپ کرا ڈتا، جڈاں جو فضا اچ اللہ اکبر دے فلک شگاف نعرے گونجدے رہیے۔ جذبہ شہادت تے حب الوطنی نال سرشار جواناں نہایت بہادری نال دشمن کوں دندان شکن جواب ڈتا۔انہاں فتح-1 میزائل سسٹم دی مدد نال بھارت دیاں اہم فوجی تنصیبات کوں ہدف ٻݨایا ڳیا، جنہاں اچ اودھم پور ایئر بیس وی شامل اے۔ حملے دے بعد اودھم پور ایئر بیس تے ٻھاہ لڳئ ڳئی اتے افراتفری مچ ڳئی۔ ویڈیوز اچ واضح طور تے ایئر بیس دی تباہی، دھوئیں دے بدلاں تے سڑدیاں ہوئیاں عمارتاں ڈیکھیاں ونج سگدین۔ایہ ویڈیوز نہ صرف دشمن دی تباہی دا ثبوت ہن بلکہ قوم کوں ایہ یقین ڈویندیاں ہن جو مادر وطن دے دفاع کیتے ساڈی بہادر فوج ہر ویلھے تیار اے۔ دشمن دی ہر جارحیت دا جواب اوندھی زبان اچ ڈیوݨ دا حوصلہ تے صلاحیت پاکستان دے سپاہیاں اچ موجود اے۔
