اسلام آباد۔ 10 مئی (اے پی پی) صدر مملکت آصف علی زرداری نال وزیراعظم محمد شہباز شریف ایوان صدر اچ ملاقات کیتی، وزیراعظم صدر مملکت کوں بھارتی جارحیت تے پاکستان ولوں آپریشن “بنیان مرصوص” دی صورت اچ بھارت کوں ڈتے ڳئے موثر جواب بارے ݙسیا۔ ایوان صدر دے پریس ونگ توں جاری بیان موجب، ملاقات اچ نائب وزیراعظم تے وزیر خارجہ سینیٹر محمد اسحاق ڈار تے وزیر قانون تے انصاف سینیٹر اعظم نذیر تارڑ وی موجود ہن۔ صدر مملکت بھارتی بلا اشتعال جارحیت تے میزائل حملیاں دا دندان شکن جواب ڈیوݨ تے ملک دی مسلح فوج دی غیر معمولی پیشہ ورانہ مہارت تے بہادری دی تعریف کیتی۔ صدر مملکت آکھیا جو پاکستان ہک ذمہ دار تے امن پسند قوم دی حیثیت نال بھارتی اشتعال انگیزی دے مقابلے اچ کافی تحمل دا مظاہرہ کیتا پر افسوس جو بھارتی جارحیت پاروں پاکستان کول آپݨی خودمختاری دے دفاع، آپݨے شہریاں دے تحفظ کیتے فیصلہ کن جواب ڈیوݨ دے سوا کوئی چارہ نئیں بچا۔ صدر مملکت آکھیا جو پوری پاکستانی قوم متحد اے، بھارتی جارحیت دے مقابلے اچ آپݨی مسلح فوج دی بھرپور حمایت کریندی اے۔ صدر مملکت آکھیا جو پاکستان ملکی خودمختاری تے علاقائی سالمیت دا ہر قیمت تے دفاع کریسی۔
