اسلام آباد۔10 مئی (اے پی پی) نائب وزیراعظم اتے وزیر خارجہ سینیٹر محمد اسحاق ڈار سعودی عرب دے وزیر خارجہ فیصل بن فرحان نال ٹیلی فون تے ڳالھ مہاڑ کریندیں ہوئیں سعودی وزیر خارجہ کوں گزریل رات بھارتی حملیاں دے بعد خطے دی اڄوکی صورتحال اتے پاکستان دے ردعمل بارے ݙسیا۔ ترجمان دفتر خارجہ توں ہفتے کوں جاری بیان دے مطابق سعودی وزیر خارجہ معصوم جاناں دے ضیاں تے تعزیت دا اظہار کیتا اتے پاکستان دے نپے تلے اتے تحمل تے مبنی ردعمل کوں سراہیا۔ ݙوہاں رہنماواں قریبی رابطہ برقرار رکھݨ تے اتفاق کیتا۔
