سیالکوٹ۔ 12 مئی (اے پی پی) وزیرِاعظم محمد شہباز شریف امیر جمیعتِ اہل حدیث، سینیٹر پروفیسر ساجد میر دی رہائش گاہ تے ونڄ تے انہاں دے انتقال تے ݙکھ تے افسوس کیتے ۔ وزیراعظم دفتر دے میڈیا ونگ توں جاری بیان دے موجب وزیرِاعظم مرحوم ساجد میر دے اُچے درجات تے انہاں دے گھرآلیں سانڳے صبر دی دعا منڳی ۔انہاں آکھیے ساجد میر پاکستان دی اہل بصیرت سیاسی شخصیت تے …
وزیرِاعظم شہباز شریف دی سینیٹر پروفیسر ساجد میر دے انتقال تے تعزیت
سیالکوٹ۔ 12 مئی (اے پی پی) وزیرِاعظم محمد شہباز شریف امیر جمیعتِ اہل حدیث، سینیٹر پروفیسر ساجد میر دی رہائش گاہ تے ونڄ تے انہاں دے انتقال تے ݙکھ تے افسوس کیتے ۔ وزیراعظم دفتر دے میڈیا ونگ توں جاری بیان دے موجب وزیرِاعظم مرحوم ساجد میر دے اُچے درجات تے انہاں دے گھرآلیں سانڳے صبر دی دعا منڳی ۔انہاں آکھیے ساجد میر پاکستان دی اہل بصیرت سیاسی شخصیت تے دینی اسکالر ہن۔ انہاں دی رحلت نال پاکستان دے سیاسی منظر نامہ اچ ہک ایجھا خلا پیدا تھی ڳئے جیڑھا شاید ہی کݙاہیں پورا تھی سڳے۔ وزیرِاعظم آکھیے ساجد میر ہمیشہ انتہا پسندی تے فرقہ واریت دے خلاف آواز چاتی، جیڑھا انہاں دی سیاست و دین دی خدمات دا سنہری باب اے۔ اوکھے ویلھے اچ میں سودھے پوری قوم دیاں ہمدردیاں ساجد میر دے گھرآلیں نال ہن ۔ وزیراعظم محمد شہباز شریف سیالکوٹ اچ سابق رکن صوبائی اسمبلی تے مسلم لیگ (ن) دے رہنما مرحوم چوہدری ارشد وڑائچ دی رہائش گاہ تے ونڄ تے مرحوم دے لواحقین نال تعزیت کیتی۔ وزیراعظم مرحوم سانڳے دعائے مغفرت تے گھرآلیں سانڳے صبر و استقامت دی دعا منڳی۔ وفاقی وزیر منصوبہ بندی و ترقی احسن اقبال تے وفاقی وزیر قانون و انصاف اعظم نذیر تارڑ وی وزیراعظم دے رلے ہن۔
