لاہور۔12 مئی (اے پی پی) بھارتی جارحیت دا بہادری نال مقابلہ کریندے شہید تھیوݨ آلے حوالدار محمد نوید دی نماز جنازہ لاہور اچ ادا کیتی ڳئی۔ وفاقی وزیر داخلہ محسن نقوی شہید حوالدار محمد نوید دی نماز جنازہ اچ شرکت کیتی۔ وزیر داخلہ محسن نقوی حوالدار محمد نوید کوں زبردست الفاظ اچ خراج عقیدت پیش کیتے۔ وزیر داخلہ محسن نقوی شہید حوالدار محمد نوید دے اُچے درجات سانڳے فاتحہ خوانی کیتی۔ پاک فوج دے چاک و چوبند دستے شہید حوالدار محمد نوید دے جسد خاکی کوں سلامی ݙتی۔ وفاقی وزیر داخلہ محسن نقوی شہید حوالدار محمد نوید دے لواحقین نال دلی ہمدردی تے تعزیت کیتی ۔ وزیر داخلہ محسن نقوی آکھیے شہید حوالدار محمد نوید بزدل دشمن دا بہادری نال مقابلہ کیتے شہادت دا اُچا رتبہ پاتے۔ ساݙی ساریاں ہمدردیاں شہید حوالدار محمد نوید دے گھرآلیں نال ہن ۔ شہید حوالدار محمد نوید دے گھرآلیں دے ݙکھ اچ برابر دے شریک ہیسے ۔ بہادر سپوت کوں قوم سلام پیش کریندی اے۔ شہید حوالدار محمد نوید دے عزیز رشتے دار ، انسپکٹر جنرل پولیس پنجاب ڈاکٹر عثمان انور، سول تے عسکری حکام نماز جنازہ اچ شریک تھئے۔
