اسلام آباد۔12مئی(اے پی پی) وفاقی وزیرِ صحت مصطفی کمال ڈسٹرکٹ ہسپتال کوٹلی دا دورہ کیتے۔پاک بھارت کشیدگی دے دوران انڈیا دی بلا اشتعال فائرنگ اتے بربریت توں زخمی تھیوݨ آلے سویلین دی عیادت کیتی ۔شکست خوردہ بھارت فوجیاں دی شیلنگ توں نشوم ٻال وی ٻہوں زخمی تھئن ۔جاری بیان موجب وزیراعظم پاکستان اتے آرمی چیف دی خصوصی ہدایت تے دورہ کیتے ۔انہاں آکھیے زخمی تھیوݨ آلے ٻال دا ݙوجھا بھرا شہید تھی ڳئے ،اللہ تعالیٰ ٻال دے لواحقین کوں صبر ݙیوے۔وزیر صحت زخمیاں دی خیریت پچھی تے انہاں دے حوصلے دی داد ݙتی ۔ انہاں آکھیے سارے زخمیاں کوں بہترین طبی سہولتاں ݙتیاں ونڄن، زخمیاں دا مکمل اتے مفت علاج حکومت دی ذمہ واری اے،حکومت زخمی شہریاں دے رلے کھڑی اے ۔ انہاں آکھیے قوم سیاسی اختلافات توں بالاتر تھی تے وطن دے دفاع سانڳے ھک مٹھ اے ،اقوام عالم اچ پاکستان دا ناں ھک واری ول ابھر تے سامݨے آئے ۔پاکستان دے تحفظ سلامتی سانڳے پوری قوم ھک مٹھ اے، ساݙی قوم ھک واری ول زندہ قوم ہووݨ دا عہد نبھائے ، اساں ݙکھے ویلھے انہاں دے رلے کھڑوں۔
