اسلام آباد۔ 12 مئی (اے پی پی) نائب وزیراعظم اتے وزیر خارجہ سینیٹر محمد اسحاق ڈار کوں برطانیہ دے وزیر خارجہ ڈیوڈ کیمرون ٹیلیفون کیتے۔ دفتر خارجہ توں جاری بیان دے مطابق ݙوہاں رہنماواں خطے دی اڄوکی صورتحال تے ڳالھ مہاڑ کیتی۔ وزیر خارجہ ڈیوڈ کیمرون علاقائی امن کیتے پاکستان دیاں کوششاں دی تعریف کیتی۔ ڳالھ مہاڑ اچ ݙوہاں فریقین آپسی دلچسپی دے شعبیاں وچ قریبی تعاون برقرار رکھݨ تے اتفاق کیتا۔
