اسلام آباد۔12 مئی (اے پی پی)نائب وزیراعظم اتے وزیر خارجہ سینیٹر محمد اسحاق ڈار فرانس دے وزیر برائے یورپ و خارجہ امور جین نول بیروٹ نال ٹیلی فونک ڳالھ مہاڑ کیتی۔ دفتر خارجہ دے مطابق نائب وزیراعظم فرانسیسی وزیر خارجہ کوں ݙسایا جوق پاکستان ایں بحران اچ وݙا تحمل ݙکھائے اتے اقوام متحدہ دے چارٹر اتے بین الاقوامی قانون دے مطابق صرف اپݨے دفاع دا حق استعمال کیتے۔ انہاں آکھیا جو پاکستان علاقائی امن و سلامتی کیتے ذمہ دارانہ کم جاری رکھیسی۔ فرانس دے وزیر خارجہ معصوم جاناں دے ضیاع تے پرچاوݨی ݙیندے پاکستان اتے بھارت وچال جنگ بندی مفاہمت دا خیرمقدم کیتے اتے ݙوہیں فریقاں کوں صبر ݙکھاوݨ تے زور ݙتے۔ ݙوہیں رہنماواں کثیرالجہتی فورمز سودھا نیڑے دا رابطہ برقرار رکھݨ تے اتفاق کیتے۔
