اسلام آباد۔12 مئی (اے پی پی)وزیراعظم محمد شہباز شریف معرکہ حق اچ شہید تھیوݨ الیاں کیتے شہداء پیکیج اتے آپریشن ’’بنیان مرصوص‘‘ دی شاندار کامیابی تے ہر سال 10 مئی کوں یوم معرکہ حق مناوݨ دا اعلان کیتے، معرکہ حق اچ شہید تھیوݨ آلے پاکستانی شہریاں دے ورثاء کوں ہک کروڑ روپے جݙاں جو زخمی تھیوݨ آلیاں کوں 10 لکھ روپے توں 20 لکھ روپے ݙتے ویسن۔ وزیرِ اعظم 16 مئی 2025، جمعہ دے ݙینہہ پاکستان کوں دفاعی محاذ تے شاندار کامیابی ݙیواوݨ تے افواج پاکستان کوں خراج تحسین پیش کریندے اللہ دے حضور سجدہ شکر ادا کرݨ دے ݙینہہ دے طور تے مناوݨ دا وی فیصلہ کیتے۔ وزیراعظم آکھیا جو یوم معرکہ حق ہر سال پورے ملک اچ جوش و خروش اتے جذبہ ملی وحدت نال منایا ویسی، ساݙیاں بہادر افواج دی پیشہ وارانہ صلاحیتاں ساݙے سر ماݨ نال اچے کیتن۔ وزیرِ اعظم 16 مئی 2025ء جمعہ دے ݙینہہ پاکستان کوں دفاعی محاذ تے شاندار کامیابی ݙیواوݨ تے افواج پاکستان کوں خراج تحسین اتے اللہ دے حضور سجدہ شکر ادا کرݨ دا فیصضہ کریندے آکھیے جو جمعہ دے ݙینہہ یوم تشکر سانڳے خصوصی نوافل ادا کریسوں، اللہ دی بارگاہ اچ سجدہ شکر ادا کیتا ویسی اتے ملک و قوم دی ترقی کیتے دعائیں کیتاں ویسن۔ وزیرِ اعظم بھارتی حملیاں توں متاثرہ لوکاں اتے املاک کیتے وی وݙے فیصلے کیتن۔ وزیراعظم معرکہ حق اچ شہید تھیوݨ آلیاں کیتے شہداء پیکیج دا اعلان کیتے، معرکہ حق اچ شہید تھیوݨ والے پاکستانی شہریاں دے ورثاء کوں ہک کروڑ روپے جݙاں جو زخمی تھیوݨ آلیاں کوں 10 لکھ روپے توں 20 لکھ روپے ݙتے ویسن۔ پاک افواج دے شہداء دے ورثاء کوں رینک دے حساب نال ہک کروڑ روپے توں ہک کروڑ اسی لکھ روپے رقم ݙتی ویسی۔ پاک افواج دے شہداء دے ورثاء کوں گھر دی سہولت کیتے رینک دے حساب نال 1.9 کروڑ روپے توں 4.2 کروڑ روپے ݙتے ویسن۔ پاک افواج دے شہداء دی ریٹائرمنٹ دی تاریخ تئیں انہاں دی مکمل تنخواہ بمعہ الائونسز جاری رہسن۔ پاک افواج دے شہداء دے ٻالاں کوں گریجویشن تئیں مفت تعلیم ݙتی ویسی، پاک افواج دے ہر شہید دی ہک دھی دی شادی کیتے 10 لکھ روپے دی میرج گرانٹ ݙتی ویسی، پاک افواج دے زخمی تھیوݨ آلیاں کوں 20 لکھ روپے توں 50 لکھ روپے فی کس ݙتے ویسن۔ وزیراعظم آکھیا جو بھارتی حملے اچ متاثر تھیوݨ آلے گھراں، شہید مسجداں دی تعمیر وفاقی حکومت کریسی، شہداء دے ٻالاں دی کفالت حکومت دی ذمہ داری اے، اساں اے فرض پورا کریسوں، زخمیاں دے علاج دا سارا خرچہ وفاقی حکومت چیسی۔ انہاں آکھیا جو پاکستان دی عزت و عظمت دے تحفظ اتے دفاع اچ جئیں جئیں محاذ تے جیہڑیاں خدمات انجام ݙتن، انہاں دا اعتراف قومی سطح تے کیتا ویسی اتے انہاں کوں اعزازات نال نوازا ویسی۔
