راولپنڈی۔12 مئی (اے پی پی)پاک فوج دے سربراہ جنرل سید عاصم منیر آکھیے جو کہیں وی دشمن دی سازش پاکستان دی مسلح افواج دے عزم کوں نئیں ہلا سڳدی، “معرکہ حق / آپریشن بنیان مرصوص” دے دوران مسلح افواج دے غیر معمولی اتے متحد ردعمل، پاکستانی عوام دی پختہ حمایت نویں ملکی عسکری تاریخ لکھی اے۔ آئی ایس پی آر دے مطابق او سی ایم ایچ راولپنڈی دے دورے ویلھے الیندے پئے ہن۔ آرمی چیف “معرکہ حق / آپریشن بنیان مرصوص” اچ زخمی تھیوݨ آلے سپاہیاں اتے معصوم شہریاں دی خیریت پچھی۔ دورے اچ آرمی چیف زخمی اہلکاراں نال وی ملین اتے انہاں دی غیر معمولی بہادری اتے فرض شناسی دی تعریف کریندے پاکستان دی مسلح افواج ولوں انہاں دے علاج، بحالی اتے فلاح و بہبود کیتے غیر متزلزل عزم دا اعادہ کیتے۔ آرمی چیف آکھیے جو ساݙے شہریاں اتے سپاہیاں دی جرأت و قربانی پاکستان دی سلامتی دی بنیاد اے، پوری قوم اپݨی مسلح افواج دے ہر ڄݨے نال مکمل یکجہتی نال کھڑی اے۔
