اسلام آباد۔13مئی(اے پی پی) وفاقی وزیر صحت مصطفی کمال آکھیے بھارت اپݨے فالس فلیگ نال ھک واری ول دنیا دے سامݨے بے نقاب تھی چکئے ، ماسوائے انتشاریاں دے ایں مرحلے اچ سوشل میڈیا دا وی کردار مثبت رہیا، پاکستان صرف انھاں بھارتی اہداف کوں نشانہ بݨائے جتھوں پاکستان تے حملے تھئن ، بھارت ساݙی شہری آبادیاں اتے عبادت گاہواں کوں نشانہ بݨائے جیڑھا جو قابل مذمت اے۔ پارلیمنٹ ہائوس دے ٻاہروں میڈیا نال ڳالھ کریندے وفاقی وزیر مصطفی کمال آکھیے دنیا ڄاݨ ڳئی اے جو بھارت دنیا دا ساریں توں وݙا کوڑا ، فریبی تے مکار ملک اے۔ انہاں آکھیے ساݙے میڈیا تے سوشل میڈیا بھارتی میڈیا دے پروپیگنڈے دا بھر پور جواب ݙتے، سوشل میڈیا ملکی مفاد اچ ودھ چڑھ تے حصہ ڳھدا، ماضی اچ جیڑھا انتشاری سوشل میڈیا دے منفی استعمال اچ ملوث پاتے ڳئے انہاں اے موقع وی ہتھ توں ونڄݨ نی ݙتا۔
