اسلام آباد۔13مئی(اے پی پی) وفاقی وزیر قومی صحت مصطفیٰ کمال آکھیے وزارتِ صحت دے تحت ہسپتالاں دیاں سہولتاں بہتر بݨیندے پیوں تاں جو مستحق لوکاں کوں فیدہ پڄے ۔ اے ڳالھ انہاں وفاقی وزیر تخفیف غربت سید عمران احمد شاہ کوں ملاقات اچ آکھی ۔ݙوہیں وزارتاں وچال فلاحی مقصد سانڳے تعاون تے اتفاق تے غریب مریضاں دی مدد سانڳے ڈیٹا شیئرنگ دا نظام متعارف کراوݨ تے غور کیتا ڳئے۔ ایں موقع تے وفاقی وزیر سید عمران احمد شاہ آکھیے پاکستان بیت المال کوں معذورلوکاں سانڳے وہیل چیئرز مل گھنݨ دی ہدایت کیتی اے ، اے معذورلوکاں سانڳے ھک اہم قدم اے۔ انہاں آکھیے وزارت تخفیف غربت دے سارے ادارے قومی فریم ورک دے تحت گھن آوݨ دا ارادہ کیتے ،پاکستان بیت المال دے سہولت ڈیسک کوں پمز تے ٻئے سرکاری ہسپتالاں اچ مزید مؤثر بݨایا ویسی ۔ سید مصطفیٰ کمال آکھیے ݙوہیں وزراء سانجھے ورکنگ پیپر تیار کرݨ دی ہدایت جاری کرݙتی، طبی سہولتاں ݙیوݨ حکومت دی سانجھی ذمہ واری اے، ایں اشتراک نال تلویں طبقے دی زندگی اچ مثبت تبدیلی آسی۔
