اسلام آباد۔13 مئی(اے پی پی)پاک بحریہ دے جہاز پی این ایس حنین ریجنل میری ٹائم سیکیورٹی پٹرول تے تعیناتی دے دوران مسقط، عمان دا دورہ کیتا۔ بندرگاہ پڄݨ تے عمانی حکام جہاز دا پرتپاک استقبال کیتے۔ پی این ایس حنین اتے رائل نیوی آف عمان دے جہاز “خصب” خلیج عمان اچ ݙوطرفہ بحری مشق کیتی جیندے نال ݙوہیں ملکاں وچال پائیدار بحری شراکت داری تکڑی تھیسی۔ مشق دا مقصد ݙوہیں ملکاں وچال دیرپا بحری تعاون ودھاوݨ ہئی۔ ترجمان پاک بحریہ دے مطابق پہلے بندرگاہ تے قیام دے دوران پی این ایس حنین دے کمانڈنگ آفسر رائل نیوی آف عمان دے اعلی حکام نال ملاقاتاں کیتن جیندے اچ باہمی دلچسپی دے امور اتے بحری افواج وچال رابطیاں تے ڳالھ مہاڑ کیتی ڳئی۔ انہاں ملاقاتاں دے علاوہ رائل نیوی آف عمان دے افسران نال پیشہ ورانہ ڳالھ مہاڑ اچ مختلف امور تے وی ڳالھ مہاڑ کیتی ڳئی۔
