اسلام آباد۔13مئی(اے پی پی)نائب وزیراعظم و وزیر خارجہ سینیٹر محمد اسحاق ڈار اشیائے ضروریہ دی دستیابی اتے قیمتاں بارے اعلیٰ سطح اجلاس دی صدارت کیتی۔ اجلاس اچ فوڈ سکیورٹی دے وزیر، وزیراعظم دے معاون خصوصی، متعلقہ سیکرٹریز اتے متعلقہ محکمیاں دے سینئر حکام اتے نجی شعبے دے نمائنداں شرکت کیتی۔ نائب وزیراعظم و وزیر خارجہ متعلقہ سٹیک ہولڈرز کوں ضروری اشیائے خوردونوش دی فراہمی اتے دستیابی کیتے سارے ضروری اقدامات کرݨ دی ہدایت کیتی۔ انہاں صارفین دے تحفظ اتے پائیدار اقتصادی ترقی کوں اڳو تے ودھاوݨ کیتے مارکیٹ اچ اشیائے ضروریہ دی فراہمی اتے استحکام کیتے حکومت دا عزم دوہرائے۔
