لاہور۔14مئی (اے پی پی) لاہور جی ٹی روڈ آخری منٹ سٹاپ باغبانپورہ دے نیڑے ڈمپر اتے رکشہ وچال ٹکر پاروں 5 بندے جاں بحق اتے 3 زخمی تھی ڳئن۔ ریسکیو 1122 موجب ٻدھ دی سویل لاہور دے علاقہ باغبانپورہ آخری منٹ سٹاپ جی ٹی روڈ دے نیڑے ڈمپر اتے رکشہ وچال ݙراوݨا حادثہ پیش آئے، اطلاع ملدے ہی ریسکیو ایمرجنسی گاݙیاں حادثے دی جاہ تے پُج گیاں اتے ڈمپر اچ پھتے لوکاں کوں کڈھ ڳھدا۔ 5 بندے موقع تے مرڳئن تے جݙاں جو زخمیاں کوں ریسکیو طبی امداد سانڳے سروسز اتے شالامار ہسپتال منتقل کرݙتا ڳئے۔ عینی شاہدین موجب حادثہ ڈمپر دی بریک فیل تھیوݨ پاروں پیش آئے جئیں 3 رکشے اتے 2 موٹر سائیکل سواراں کوں متاثر کیتے۔
