اسلام آباد۔14مئی (اے پی پی) سپیکر قومی اسمبلی سردار ایاز صادق رکن قومی اسمبلی اتے وزیراعظم دے معاون خصوصی مبارک زیب دی باجوڑ اچ آبائی رہائش تے آئی ای ڈی دھماکے دی مذمت کریندے ہوئیں انہاں کیتے نیک خواہشات دا اظہار کیتے۔ ہک مذمتی بیان اچ انہاں آکھیے اللہ تعالیٰ دا شکر اے جو مبارک زیب دے گھر تے دھماکے نال کوئی جانی ضیان نی تھیا۔ سپیکر قومی اسمبلی مبارک زیب اتے انہاں دے گھرآلیں سانڳے نیک خواہشات دا اظہار کیتے اتے صوبہ خیبرپختونخوا دے متعلقہ حکام کوں مبارک زیب دی آبائی رہائش گاہ دے ٻاہر دھماکے دی شفاف تحقیقات کراوݨ اتے واقعے اچ ملوث عناصر کوں قانون دی کچاری اچ گھن آوݨ دی ہدایت کیتی۔ انہاں آکھیے ارکان قومی اسمبلی دی سیکیورٹی کوں یقینی بݨایا ونڄے اتے انہاں کوں ہر ممکن تحفظ ݙتا ونڄے۔
