اسلام آباد۔14مئی (اے پی پی) ترک صدر رجب طیب ایردوان سماجی رابطے دے پلیٹ فارم ایکس تے اپݨی پوسٹ اچ وزیراعظم محمد شہباز شریف کوں “میݙے عزیز ترین بھرا” آکھ تے سݙیا۔ اپݨی پوسٹ اچ ترک صدر پاکستان نال دلی محبت اتے دا اظہار کیتا۔ ترک صدر طیب ایردوان شہباز شریف کیتے سنیھا ݙتا جو “اساں ہمیشہ تہاݙے نال کھڑوں”۔ صدر ایردوان اپݨی پوسٹ اچ پاکستانی قیادت دی دانشمندی دی تعریف کیتی۔ ݙوہاں رہنماواں اپݨے ٹویٹس دے تبادلے اچ ہک ٻئے کیتے بھائی چارے دا مظاہرہ کیتا۔ ݙوہاں رہنماواں وچال غیر معمولی گرمجوشی ݙیکھݨ اچ آئی۔ ترک صدر “پاکستان ترکیہ دوستی زندہ باد” دا غیر معمولی سنیھا ݙتا۔ ایں توں پہلے وزیر اعظم محمد شہباز شریف ترکیہ دے صدر دا پاکستان دی حمایت تے شکریہ ادا کیتا ہا۔
