اسلام آباد۔ 14 مئی (اے پی پی) پبلک پروکیورمنٹ ریگولیٹری اتھارٹی (پیپرا) دے منیجنگ ڈائریکٹر حسنات احمد قریشی آکھیا جو وزیرِ اعظم پاکستان دی معیشت کوں ڈیجیٹل بنیاداں تے استوار کرݨ دے وژن تے عمل کریندے ھوئیں، پیپرا ای پروکیورمنٹ دا جدید نظام کامیابی نال نافذ کر ݙتے۔ ای پیڈز سسٹم دے تحت ہݨ تئیں ٢٨ ہزار توں ودھ سپلائرز دی رجسٹریشن مکمل تھی ڳئی اے، جِنّھاں وِچ چار سو توں ودھ غیر ملکی کمپنیاں وی شامل ھِن۔ ھِک بیان وِچ اُنھاں ݙسایا جو پیپرا سرکاری سطح تے خریداری دے عمل کوں جدید خطوط تے استوار کریندیں ھوئے ھِک مؤثر فریم ورک اتے معیاری طریقہ کار تشکیل ݙتے۔ اِیں بارے نمایاں پیش رفت ای پروکیورمنٹ سسٹم یا ای پیڈز دا نفاذ اےِ، جِیندے نال خریداری دا پورا عمل ڈیجیٹل اتے خودکار بݨا ݙتا ڳے ۔ اُنھاں ݙسایا جو ای پیڈز سسٹم، ایف بی آر اتے سیکیورٹیز اینڈ ایکسچینج کمیشن آف پاکستان توں تصدیق دے بعد غیر ملکی کمپنیاں دی محض ٢٤ گھنٹیاں وِچ رجسٹریشن مکمل کر گھِندے۔ سپلائرز آپݨے لیپ ٹاپ یا موبائل فون توں سرکاری ٹینڈرز وِچ حصہ گھِن سڳدن۔ ہݨ اُنھاں کوں دفتراں دے چکر لاوݨ دی لوڑھ کائنی، اتے نہ ہی ٹینڈر دستاویزات دی خریداری تے رقم خرچ کرݨی پوسی۔ پورا عمل ھِک محفوظ، جدید، اتے صارف دوست آن لائن پلیٹ فارم تے انجام ݙتا ویندا پئے۔ ایم ڈی پیپرا دے مطابق، ای پروکیورمنٹ دے ذریعے خریداری دی منصوبہ بندی، ٹینڈر جمع کراوݨ، بولیاں دی جانچ، اتے ٹھیکیاں دے اجرا تئیں دے سارے مرحلے خودکار نظام دے تحت مکمل کیتے ویندے پِن۔ اُنھاں واضح کیتا جو اے سسٹم فول پروف ھِ، اتے پیپرا دے منیجنگ ڈائریکٹر سمیت کوئی وی بندہ اِیندے وِچ مداخلت نئیں کر سڳدا۔ سسٹم دا باقاعدہ سیکیورٹی آڈٹ تھیندے، اتے شکایات دی صورت وِچ لاگ دے ذریعے سارے ریکارڈ تئیں رسائی ممکن اے، اِیں خوبی خریداری دے عمل وِچ ودھیک شفافیت کوں ودھارا ݙتے۔ اُنھاں ٻیا ݙسایا جو اٹھارویں آئینی ترمیم دے بعد سرکاری سطح تے خریداری ھِک صوبائی معاملہ بݨ ڳئی اے، اتے ہر صوبے آپݨیاں پروکیورمنٹ اتھارٹیز اتے رولز بݨا گھِدِّن، جڈانجو پنجاب، سندھ، اتے خیبرپختونخوا سودھے سارے صوبے پیپرا دے ای پیڈز سسٹم توں فائدہ چَیندے پِن۔ بلوچستان وی آؤندے جون توں اے نظام اپنا گھِنسِی۔ اُنھاں آکھیا جو دور دراز علاقیاں وِچ انٹرنیٹ دی دستیابی وِچ بہتری آئی اےِ، اتے اگر کِتھائیں مسئلہ پیش آوے تاں سپلائرز صوبائی پیپرا یا وفاقی پیپرا دی ہیلپ لائن توں سویل ٨ وڄے توں رات دے ١٢ وڄے تئیں رابطہ کر سڳدِن۔ پیچیدہ صورت حال وِچ دفتر آ تے مکمل رہنمائی حاصل کیتی ون٘ڄ سڳدی اے۔ پاکستان پبلک پروکیورمنٹ ریگولیٹری اتھارٹی (پیپرا) ھِک خودمختار ریگولیٹری ادارہ اے جِہڑا پیپرا آرڈیننس دے تحت قائم کیتا ڳے۔ اِیں ادارے دا بنیادی مقصد سرکاری اداریاں وِچ اشیاء، تعمیراتی کماں اتے کنسلٹنسی خدمات دی خریداری کوں پیپرا رولز ٢٠٠٤ دے تحت منظم کرݨ اے، تاں جو شفاف، مؤثر، اتے منصفانہ خریداری کوں ودھارا ݙتا ون٘ڄ سڳے۔
