اقوامِ متحدہ دے سیکرٹری جنرل دی قیادت اتے بھرپور سفارتی کوششاں دی وجہ توں جنوبی ایشیا اچ حالیہ بحران گھٹ کرݨ اچ مدد ملی اے، وزیرِ اعظم شہباز شریف

اسلام آباد۔14 مئی (اے پی پی)وزیرِ اعظم محمد شہباز شریف آکھیے جو اقوامِ متحدہ دے سیکرٹری جنرل دی قیادت اتے بھرپور سفارتی کوششاں دی وجہ توں جنوبی ایشیا اچ حالیہ بحران گھٹ کرݨ اچ مدد ملی اے، اساں آپݨی خودمختاری اتے علاقائی سالمیت دی خلاف ورزی دی ہرگز اجازت نا ݙیسوں۔ سوشل میڈیا پلیٹ فارم ایکس تے آپݨی پوسٹ اچ اُنھاں آکھیا جو اقوامِ متحدہ دے سیکرٹری جنرل انتونیو گوتریس نال ڳالھ مُہاڑ اچ اُنھاں دی قیادت اتے بھرپور سفارتی کوششاں کیتے اُنھاں دا شکریہ ادا کیتے جِنّھاں جنوبی ایشیا اچ حالیہ بحران کوں گھٹ کرݨ و اچ مدد کیتی۔ اُنھاں آکھیا جو اساں اقوامِ متحدہ دے چارٹر دے آرٹیکل 51 دے تحت آپݨے دفاع دا حق استعمال کیتا تاں پاکستان علاقائی امن دے وݙے فائدے اچ جنگ بندی مفاہمت دا احترام کرݨ دا پابند اے۔ اُنھاں آکھیا جو دُنیا ٻاہرلی فوجی جارحیت دے سامݨے پچھلے ݙو ہفتیاں اچ پاکستان دے ذمہ دارانہ اقدامات ݙٹّھِن، اساں آپݨی خودمختاری اتے علاقائی سالمیت دی خلاف ورزی دی ہرگز اجازت نا ݙیسوں۔