اسلام آباد۔15 مئی (اے پی پی) وزیر خزانہ محمد اورنگ زیب آکھیا جو سکھر-حیدرآباد موٹروے اہم منصوبہ اے، ایں منصوبے کوں آندے بجٹ اچ ہر صورت شامل کریسوں، جݙاں جو ڈپٹی سپیکر حکومت کوں ہدایت کیتی اے جو وزیر برائے منصوبہ بندی جمعے کوں ایوان اچ آ تے ایں منصوبے بارے ارکان کوں ݙساون۔ خمیس کوں قومی اسمبلی وچ شرمیلا فاروقی، ڈاکٹر شازیہ صوبیہ، ڈاکٹر نفیسہ شاہ، رفیع اللہ اتے اسد عالم نیازی دے مالی سال 2024-25 دے سرکاری شعبہ دے ترقیاتی پروگرام اچ حیدر آباد۔ سکھر موٹروے منصوبے کوں شامل نہ کیتے ونڄݨ بارے توجہ ݙیواؤ نوٹس دا جواب ݙیندیں ہوئیں وزیر مملکت برائے منصوبہ بندی، ترقی تے خصوصی اقدامات ارمغان سبحانی ولوں ݙسایا ڳیا جو ایں اہم منصوبے ہن، ایں اچ آذربائیجان وی دلچسپی گھندا پئے، پاکستان دے پنج وݙے منصوبیاں وچ اے شامل ہن، ایں ویلھے ملک اچ جیڑھیاں موٹرویز بݨیاں ہن او ساݙی جماعت مسلم لیگ ن اتے نواز شریف ی بݨائن، آندے بجٹ اچ ایں منصوبے کیتے پی ایس ڈی پی وچ وی بجٹ رکھیا ویسی، ایں کیتے پبلک پرائیویٹ سانجھے داری اتے غیر ملکی فنڈنگ تے وی کم تھیندا پئے۔ ارمغان سبحانی ݙسایا جو 2023-24 دے پی ایس ڈی پی وچ اے منصوبہ شامل ہا، بدقسمتی نال ایں تے کم شروع نہ تھی سڳیا، ایں ویلھے وزیر اعظم شہباز شریف پنج ترجیحاتی منصوبے چݨیں اتے ایں وچ سر فہرست سکھر۔حیدرآباد موٹروے دا منصوبہ اے۔ وزارت مواصلات وی آندے مالی سال دے پی ایس ڈی پی وچ ایں منصوبے کیتے 10 ارب روپے دی ڈیمانڈ کر رکھی اے۔ اے منصوبہ پی ایس ڈی پی دا حصہ ہوسی اتے ترجیح بنیاداں تے بݨسی۔ سید حفیظ الدین ایم کیو ایم ولوں وی ایں منصوبے کیتے پی ایس ڈی پی وچ رکھݨ دا مطالبہ کیتا۔ ڈاکٹر طارق فضل چوہدری کوں ڈپٹی سپیکر آکھیا جو او جمعے کوں آ تے ایں بارے ارکان دے تحفظات دور کرن۔ ڈاکٹر طارق فضل آکھیا جو فیصل آباد موٹروے وی ݙورویہ اے۔ پیپلز پارٹی اتے ایم کیو ایم ساݙے اتحادی ہن اساں ایں ایوان دی بجائے رل ٻہہ تے ایں کوں حل کر گھنسوں۔ حکومت پٹرولیم مصنوعات دے نرخ اچ ڳھٹکی دا فائدہ عوام کوں ݙیوݨ دی بجائے بلوچستان وچ موٹروے کیتے 100 ارب روپے رکھے ڳئے ہن، حیدر آباد سکھر موٹروے پی ایس ڈی پی وچ شامل ہا لیکن عملدرآمد نہ تھی سڳیا۔ وزیر مملکت ارمغان سبحانی آکھیا جو وزیراعظم آندے مالی سال دیاں ترجیحات وچ شامل کیتے، حیدر آباد سکھر موٹروے دا منصوبہ آندےمالی سال دے پی ایس ڈی پی وچ شامل ہوسی۔ شرمیلا فاروقی آکھیا جو اساں چاہندوں جو منصوبے کوں پی ایس ڈی پی وچ شامل کیتا ونڄے۔
