کامرہ۔15مئی (اے پی پی) وزیر اعظم محمد شہباز شریف دا معرکہ حق اچ دفاع وطن اچ بھارتی طیاریاں کوں تباہ کرتے پاکستان فی فضائی برتری قائم کرݨ آلے پاک فضائیہ دے شاہیناں نال ملاقات کیتے کامرہ ایئربیس دا دورہ کیتا۔ وزیر اعظم آفس دے میڈیا ونگ توں جاری بیان موجب وزیراعظم 21ویں صدی دی ساریاں توں طویل فضائی جھڑپاں اچوں ہک اچ دشمن دی برتری دی خوش فہمی کوں خاک اچ ملاوݨ آلے پاک فضائیہ دے شاہیناں نال ملاقات کیتی۔ نائب وزیر اعظم تے وزیر خارجہ محمد اسحاق ڈار، وزیر دفاع خواجہ آصف، آرمی چیف جنرل سید عاصم منیر، ائیر چیف مارشل ظہیر احمد بابر سدھو، وزیر منصوبہ بندی احسن اقبال، وزیر اطلاعات تے نشریات عطاء اللہ تارڑ اتے اعلی سول تے عسکری قیادت وزیر اعظم دے رَلے شریک تھیے۔
