اسلام آباد۔16مئی (اے پی پی)وفاقی وزیر برائے منصوبہ بندی احسن اقبال آکھیے جو پاکستان کہیں وی جارحیت دا منہ توڑ جواب ݙیوݨ دی صلاحیت رکھدے، 10 مئی کوں جیویں پاکستانی قوم بھارتی جارحیت دا منہ توڑ جواب ݙتا، او ساݙی قومی خودداری اتے دفاعی صلاحیت دا مظہر اے۔ پارلیمنٹ ہائوس دے باہرو صحافیاں نال گالھ مہاڑ کریندے ہوئے انہاں آکھیا جو پاکستان اپݨی آزادی اتے علاقائی سالمیت تے کہیں قسم دا سمجھوتا نئیں کریسی۔ احسن اقبال دا آکھݨ ہا جو ہݨ ویلھا آ گئے جو پاکستان آپݨے اعتماد کوں معاشی ترقی دو موڑ ݙیوے۔ ساݙی اگلی منزل معاشی خودمختاری اے، اساں اپݨے وسائل تے انحصار کریندے ہوئے عوام کوں بہتر معیارِ زندگی ݙیوݨے۔
