لاہور۔17 مئی (اے پی پی) پاکستان مسلم لیگ (ن) دے صدر اتے سابق وزیراعظم محمد نواز شریف آکھیے جو پاک بھارت جنگ اچ ساݙی بہادر مسلح فوج ٻہوں پیشہ ورانہ مہارت اتے پُرجوش عزم نال دھرتی ماں دا دفاع کیتا، ایں حوالے نال پاکستان دی پارلیمنٹ وی ٻہوں مثبت اتے توانا کردار ادا کیتے، قومی سلامتی کیتے ہر طرح دی سیاسی ونڈ کوں بھُل تے ہک آواز اچ ڳالھ کرݨ چنگی ڳالھ اے، عوام دے نمائندیں 24 کروڑ عوام دے جذبات دی ترجمانی کریندے آپݨی بہادر مسلح فوج دا حوصلہ ودھائے۔ اے ڳالھ اُنھاں سینیٹ اچ مسلم لیگ ن دے پارلیمانی لیڈر اتے قائمہ کمیٹی امور خارجہ دے چیئرمین سینیٹر عرفان صدیقی نال ڳالھ مُہاڑ کریندے آکھی جنہاں اڄ رائیونڈ اچ اُنھاں نال ملاقات کیتی۔ سابق وزیراعظم آکھیے جو ایں فتح تے اساں اللہ تعالیٰ دا ٻہوں شکر ادا کریندوں جئیں اساں کوں ایں امتحان اچ سرخرو کیتے۔ اُنھاں پاکستانی میڈیا کوں وی خراج تحسین پیش کیتا جئیں سچ تے مبنی بیانیے کوں دُنیا دے سامݨے رکھیا اتے دشمن دے کُوڑ کوں پوری طاقت نال بے نقاب کیتا۔ سینیٹر عرفان صدیقی صدر مسلم لیگ (ن) کوں پارلیمانی پارٹی دی کارکردگی دے حوالے نال رپورٹ پیش کیتی۔
