شیخوپورہ۔ 18 مئی (اے پی پی) وفاقی وزیر قومی غذائی تحفظ و تحقیق رانا تنویر حسین شیخوپورہ اچ پہلے ماڈل پولیس خدمت مرکز دا افتتاح کرݙتے۔ وفاقی وزیر رانا تنویر حسین آر پی او شیخوپورہ رینج اطہر اسماعیل، ڈسٹرکٹ پولیس آفیسر بلال ظفر شیخ دے رلے خدمت مرکز دے مختلف شعبیاں دا معائنہ کیتا۔ ایں موقع تے آر پی او اطہر اسماعیل وفاقی وزیر کوں بریفنگ ݙیندے ہوئے ݙسایا جو ایں خدمت مرکز اچ شہریاں کوں 14 سہولتاں ݙتیاں ویندیاں پئن، جنہاں اچ کریکٹر سرٹیفکیٹ، گمشدگی دستاویزات، ایف آئی آر دی کاپی سودھے ٻیاں سہولتاں شامل ہن۔ ایں خدمت مرکز اچ عام شہری سوکھیں اِنہاں سہولتاں توں فیدہ چا سڳدن۔ ایں موقع تے وفاقی وزیر میڈیا نال ڳالھ مہاڑ کریندے آکھیے آپریشن بنیان مرصوص کوں دنیا بھر اچ کیس سٹڈی دے طور تے ݙٹھا ویندا پئے، ساری دنیا افواج پاکستان تے ماݨ کریندی پئی اے۔ اُنہاں آکھیے سوشل میڈیا تے افواج دے خلاف پراپیگنڈہ کرݨ آلے ملک دشمن ہن۔
