راولپنڈی۔19 مئی (اے پی پی) پاکستان سپر لیگ (پی ایس ایل) 10 دے سلسلے اچ راولپنڈی کرکٹ سٹیڈیم وچ کھیݙے ڳئے لاہور قلندرز اَتے پشاور زلمی دے میچ دے دوران پاک فضائیہ دے شاہیناں کوں زبردست انداز اچ خراج تحسین پیش کیتا ڳیا۔ تقریب اچ چیف آف ایئر سٹاف ظہیر بابر اَتے چیئرمین پی سی بی محسن نقوی خصوصی شرکت کیتی۔ ایں موقع تے پاک فضائیہ دی پیشہ وارانہ مہارت، دشمن دے چھی جہاز مار ݙیوݨ دی کارکردگی اَتے قومی دفاع اچ اُنھاں دے کردار کوں بھرپور انداز وچ سراہا ڳیا۔ سٹیڈیم ’’پاک فوج زندہ باد‘‘ پاکستان زندہ باد‘‘ دے نعراں نال گُونڄ اُٹھیا، قومی ترانے دے احترام وچ سارے کھڑے تھی ڳئے اَتے ہر پاسے قومی جھنڈیاں دی بہار ݙیکھݨ اچ آئی۔ تقریب دے چھیکڑ تے شاندار آتش بازی سماں بدھ ݙِتّا۔ اے تقریب قومی یکجہتی، جذبہ حب الوطنی اَتے مسلح افواج دے نال عوامی حمایت دا شاندار مظہر بݨی۔
