اسلام آباد، 23 مئی(اے پی پی) فاقی وزیر تجارت جام کمال خان نال پاکستان اچ برکینا فاسو دے نامزد سفیر محمدی کابورے ملین۔ اے انہاں دا پاکستان دا پہلا سرکاری دورہ ہئی، سفیر کابورے تہران اچ رہائش پزیر ہن اتے اتھوں پاکستان کیتے سفارتی خدمات ڈیندے پئین۔ ملاقات اچ ݙوہیں فریقین ݙوطرفہ تجارت ودھاوݨ اتے اقتصادی تعاون ٻیا تکڑا کرݨ دے طریقیاں تے گالھ مہاڑ کیتی۔ سفیر کابورے پاکستان اچ برکینا فاسو دا مستقل سفارتی مشن قائم کرݨ دا اظہار کیتا۔ وفاقی وزیر برکینا فاسو دے سفیر کوں دعوت ݙتی جو او اگست اچ کراچی اچ تھیوݨ آلی فوڈ اے جی نمائش اچ شرکت کیتے ہک کاروباری وفد پاکستان بھیڄن۔ سفیر کابورے اپݨے ہم منصب کوں برکینا فاسو دا دورہ کرݨ دی اتے 7 توں 11 جون تئیں برکینا فاسو اچ تھیوݨ آلے کاروباری فورم اچ پاکستان دی شرکت دی درخواست وی کیتی۔ جام کمال خان آکھیا جو ݙوہیں ملکاں وچال تجارتی حجم اچ وادھارے کیتے نویں شعبے ڳولݨ ضروری اے۔ برکینا فاسو نال وی ایں نوعیت دے تعاون دی وݙی گنجائش موجود اے۔
