اسلام آباد ۔26 مئی (اے پی پی) پاکستان اتے بنگلہ دیش دی کرکٹ ٹیماں وچال ترائے بین الاقوامی ٹی ٹونٹی میچاں دی سیریز دا پہلا میچ 28 مئی کوں کھیݙیا ویسی۔ اے میچ پاکستان دے معیاری ویلھے موجب رات 8 وجے قذافی سٹیڈیم، لاہور اچ شروع تھیسی، میچ نائٹ تھیسی اتے فلڈ لائٹس دی روشنی اچ کھیݙیا ویسی۔ بنگلہ دیش دی ٹیم آپݨے دورہ پاکستان اچ میزبان ٹیم دے خلاف 3 ٹی ٹونٹی بین الاقوامی میچاں دی سیریز کھیݙسی۔ ݙوہیں ٹیماں وچال 3 ٹی ٹونٹی میچاں دی سیریز دا پہلا میچ 28 مئی کوں کھیݙیا ویسی۔ بنگلہ دیش دی ٹیم کوں لٹن داس لیڈ کریسن جݙاں جو پاکستان دی ٹیم کوں سلمان علی آغا لیڈ کریسن۔ ݙوہیں ٹیماں وچال ݙوجھا میچ 30 مئی کوں کھیݙیا ویسی جݙاں جو تریجھا اتے چھیکڑی ٹی ٹونٹی میچ ہک جون کوں کھیݙیا ویسی۔ ترائے ٹی ٹونٹی میچز دی سیریز دے سارے میچز لاہور دے قذافی سٹیڈیم اچ کھیݙے ویسن، ترائیں میچز نائٹ ہوسن اتے فلڈ لائٹس دی روشنی اچ کھیݙے ویسن۔
