سعودی عرب اچ ذوالحجہ دا چندر نظر آ ڳئے، وقوف عرفہ 5 جون، عیدالاضحی جمعہ 6 جون کوں تھیسی

مکہ مکرمہ۔28مئی (اے پی پی) سعودی عرب اچ ذوالحجہ دا چندر نظر آڳئے۔ بدھ 28 مئی ہِک ذوالحجہ ہوسی جݙاں جو حج دا رکن اعظم وقوف عرفہ خمیس 5 جون 2025 کوں ہوسی۔ الاخباریہ موجب تمیر رصدگاہ اچ چندر ݙِکھݨ دی تصدیق کیتی ڳئی اے۔ سپریم کورٹ اعلان کیتا ۔ سعودی سپریم کورٹ ولوں منگل 27 مئی 29 ذوالقعدہ کوں ذوالحجہ دا چندر ݙیکھݨ دی اپیل کیتی ڳئی ہئی۔ سعودی عرب اچ عیدالاضحی جمعہ 6 جون کوں منائی ویسی۔